( صوره حزينه )))
مر ببالي صوره حزينه
كانت ليا اجمل صوره
وانا باراجع كل اوراقي
شفت الصوره جوه كتابي
شفت مناظر فيها ع الحيط
والشخبطه بالقلم الزيت
شفت حكايتي مع لوحاتي
وقلبي دايب فيكي ليلاتي
وبيرسم لك اغلي حاجاتي
وبيكتب لك كده كلماتي
شفت عيونك بتودعني
وانت دموعك كده ع خدي
سيل و بتجري وبتندهني
وبتترجي عواطفي وقلبي
وانا متكتف خوف من اهلي
نفسي اخدك واطير بيكي
وفي احلي جزيره اخبيكي
نفسي افديكي بقلبي وعمري
نفسي اسلم ليكي روحي
نفسي ارسم لك حتي ملامحي
تفضل جنبك كده تحميكي
بس الزاي وانا ضعفي حايشني
وقلة حيلتي وشدة اهلي
اه لو اقولك ع اللي جرالي
بعد رحيلك عني دار اهلي
قلبي تركني وفاتني لوحدي
و اللي جرالي ولا علي بالي
صابني سهم الحب جرحني
وحمي هواكي مسكت قلبي
وانا من يومها بأعيش وياكي
اصحي و انام ايامي معاكي
دايما شايفك قدام عيني
اسمع صوتك بتغني لي
وافرح بيكي اغمض عيني
خايف فجأه انك تسيبيني
كلمات الشاعر / السيد علي القن
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .