ما بدي تعدللي نجوم
ولا قلبك فيني مغروم
حركاتك ما إلها لزوم
دور على غيري تعبان
ما تقلي دربك دربي
ولا قلبك يشبه قلبي
ليلك بالشمس مخبي
بتشبه هالشمس بكانون
حبي الأول يا حبي
سلمتك قلبي وحبي
تمساح وقاعد يبكي
مقهور وعامل غلبان
كنت الأحلى بقلبي
غدرك وين كنت مخبي
والشوك رميته بدربي
عامللي فيها السلطان
زرعتلك ورد المنثور
وجنينة مليانة زهور
جبتلك لبن العصفور
وبالآخر غيري عشقان
سيبه يا قلبي وخليه
مطرح ما الريح توديه
لا تزعل ولا تسأل فيه
عفراقك هوي الخسران
ما تقلي راجع ندمان
ولا إنك فيني هيمان
هالقصة كانت زمان
وكانت هالكذبة بنيسان
هالكذبة بنيسان
بقلمي محمود عجور
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .