ورقة وقلم
بقلم // سليمان كاااااامل....********************* من مصر
صعب عليك إنك تفهم
إن أمور الناس مدروسه
وأن الدنيا ماهي بالكوسه
.....
ورقة وقلم واكتب عني
وفتح مخك وافهم مني
واحد زائد واحد يساوي اتنين
واللي حاسبها تلاقيه متهني
.....
ماتقولش نخلي أمورنا بركة
ونعيش الدنيا بكل سذاجه
دا ربك خلق الكون بحساب
من الطياره........... للدراجة
.....
عمر ماكان الحسبه بخل
ولا هتمطر علينا فلوس
ولا هنام ونزوف الشغل
ونلغى العقل وعليه هندوس
.....
أمشي وفكر واحسب فيها
ورقة وقلم واكتب ليها
وفاضل بين فرصه وتانيه
وامشي ف اللي الخير فيها
.....
ورقه وقلم واحسب عمرك
واعرف عيشتك والباقي كام
واعمل خير هتلاقي الخير
واردم على ماضيك بركام
.....
واطلب من مولاك يغفرلك
واحسب كام يبقى معاك
دا العمر مجرد حسبه كبيرة
واللي بيجهل يقع ف شراك
....
احسب واكتب كل ماليك
وعرف أهلك ماليك وعليك
ماتعرف متى ياحبيبي تودع
وصاحب الحق هناك مواتيك
.......................................
سليمان كاااااامل.....2020/8/19
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .