خربشات بقلمي
يعني ايه لما اًقولك اًني حبيتك من زمان
فيها اًيه لما تعرفي انك انتي لقلبي الاًمان
مش كتير اًني اًحبك و اًنتي وردة البستان
دورت في دفاتري و اًنا صغير لقيت خربشاتي و انا بحاول اًكتب اًسمك بشكل مختلف
لقيتني محتفظ بوردة منك
مخبيها كنت دائما اًبوسها بشغف
لقيت صورتك بتضحك
لقيت عنيكي الطفولية فيها كلام
فاكرة لما كنا نتخانق و نزعل و نتخاصم
و اًصالحك باًيه فاكرة بقطعة حلوي
تبتسمي و ننسي و نجري نلعب
فاكره لما كنا نقعد نبص للقمر
كنا بنكلم النجوم
كنا بنحب الغيوم
كنا نجري تحت المطر
خلف الشجر
نغني و يحلي لينا السهر
لقمه واحده كانت تكفينا
كلمة بسيطة كانت تنور ليالينا
ليه زمان كان الحب مختلف
ليه زمان كانت النفوس راضية
ياتري كانت الناس فاضية
ليه مكناش بتشيل هموم
ليه كنا نضحك و نلعب
ليه كنا نحب و نزعل
و نتصالح و نهرب
ياه كل ده كان زمان
لا و الله
ده بس حاجات صغيرة
من دنيانا زمان
اه فعلا كان فيه اًمان
كان فيه حنان
كان فيه صدق و براءة
و عقل و جنان
كبرنا و احلامنا بقيت صغيرة
كبرنا و الدنيا الكبيرة بقيت بتخنقنا
و احلامنا تاهت
و فرحتنا ضاعت
و بسمتنا بقيت بسمه باهته
ملهاش لا طعم ولا لون
اًختلفنا حتي علي ابسط الاًشياء
اًتعلمنا بدل ما نحب
نتبادل الجفاء
بندور علي ايه
علي الحب
علي الفرح
علي السعادة
الكلام تاه ياناس
الحروف اًتفرقت قبل البشر
ضاعت ليالي السمر
نسينا بهجة شروق الشمس
و همسة ضي القمر
ما تيجي ننسي
و نرجع زي زمان
ما تيجي نحب من قلوبنا
بلاش تاني نتخانق
بلاش تاني نزعل
الدنيا ماشية
و اًنا و انتي كمان ماشين
خلينا ذكري حلوة للي بكره جايين
يا تري ممكن
مش عارف.
بهاء الشريف
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .