السلام عليكم
- قصيدة . زجلية .... صَرْخَةُ فاسْ
- بقلم وصوت أخوكم
الزجال المغربي ميلمي ادريس
- الزْمانْ تْبدَّل
ؤو بْيادقْ أيَّامو
برْمْجوني
لَمْكانْ ٱتْحَوَّلْ
ؤوحْروفْ ٱسْطورو
مخْطوني
الأَقرِباءْ طُوبْ
ؤوبلْساسْ ٱسْوارِيَّ
ريْبُوني
الأَحْبابْ ٱيَاجُورْ
ؤوبَسْقَفْ ٱمَحالِ
قتْلُونِي
الأصحَابْ ٱدَربْ
ؤو بصْوارْ ٱحومْتي
صدُّوني
الأَغْرابْ ٱخْيالْ
ؤوبظْلام ْالليالي
حمْقُونِي
الرجُوعْ للَّه
ياللِّي ٱسايْرين
بخْصاَيلْكُم ....
تهَوْلوني
دخَلْتْ سُوقْ راسِي
عرَّاوني
تْكلَّمْتْ.........
ؤوبلْسانْ ٱفمِّي
ضرْبُوني
حْنِيتْ الرَّاس
ؤومْشيتْ الحَيْطْ الحَيْطْ
فدْروبي
ريْبو. ٱعْليا الحْيُوطْ
ؤوبتْرابْها. ٱرَدْمُوني
غرسْتْ المَعْقُولْ ماَ ٱندِّيلْهُمْ
ؤومَاااااااااا ٱيدِّيوْلي
تلْفُولي العْقل
ؤو مَنْ ٱدْرُوبْ ٱعَقْلِي
خرْجُوني
فتَلْتْ العَيْشْ
ؤو قُلْتْ....
ٱنْشَرْكو.....
طْعَام ٱيْدِّي
سَعَا الطْعامْ
تْسَيَّفْ لي. ٱبْغالْ
ؤو بصْفَايَحْ ٱرجْليهُمْ
ٱدَرْسُونِي
هاااااااا أنا ٱفالدنْيا
ؤو هاكْداكْ.. . ...
ٱمَااااااا هنَّاوْ ٱرَاسْهُم
ؤو ماااااا هنَّاوْني
الحمْدُ للَّهْ ٱعَلْ المْوتْ
ٱللِّي ٱهنَّاتْ ٱقْوااااااامْ
قْبَلْ ٱمنِّي
ؤو الرجُوعْ للَّهْ
ٱيا اللِّي ٱسَايْرينْ ٱبخْصَايلْكُمْ
ٱتْهَوْلُوني
الدْرْهَمْ ٱسْكَنْ
ؤولْعَبْ ٱلْعَبْتُو
غْواهْ الرْبَحْ
ؤو عجْباتُو صُولْتُو
الجُّوهَرْ عْقِيق
ؤوشْكونْ يْنَبْتُو
الطْمَعْ رْبيبْ
ؤو الكَرْشْ .........
اللِّي رْبَّاتُو
ااااااااشْ مَنْ فرقْ
مابِينْ الدْرْهَمْ والرْبَحْ
ؤو الزَّلْطْ .......
متْبوووووعْ ٱبخْسارْتُو
واااااااااشْ منْ ٱفرْقْ
ٱمَابينْ الجُّوهَرْ والطْمَعْ
ؤو الغْلا َ .....مَسْجُوووونْ
ؤو ٱمكتَّفْ بْبَّادْرو
ٱااايييييييهْ ٱلْساسِي
ٱدَرْسُوهْ الكْلا بْ
ؤو الدْيابْ. ٱغييييييييييي مَا..
ٱزَايدِينْ فيهْ
الوجَهْ ٱمْعا الوجَهْ
ٱصَاااااااافي.....
ؤو عَنْدْ الظْهَرْ
ٱغييييي طْلي ليهْ
اطُوبتْهُمْ
اكبْرَتْ ٱمْشعْشعَة ٱهْنا
ؤو طوبْتي .ٱتْلالالالا حتْ
ٱمنْ الصُّور ْ ٱلهِيهْ
ؤو شٔكونْ .........
اللِّي ٱحنْ ٱقلْبو
ؤوبلْسانْ ٱفمُّو
أَحنُّو. ٱعْلِيهْ
ؤو شْكُون اللِّي ٱخمَّمْ
ؤو زَادْ ٱخمَّمْ
ؤو فهَمْ باللِّي ٱهَادْ الصُّورْ
ٱراهْ ٱبزّااااااااافْ ٱعليهْ
ٱراهْ الجُّوفْ ٱتايْهَزْ
ٱغييييي ٱعلى ٱقدْ ٱقْياسُو
يا اللِّي سايْرينْ ٱبخْصَايلٔكُمْ
ٱتْعَمْرو ٱفيهْ
ٱراهْ البرَّادْ ٱعْدُو ٱمُولاهْ
ٱيلاَ ٱما ٱنجَّمْشي ٱصْبيعَاتْ ٱيدِّيهْ
ابالحَقْ ٱقَالُوها ٱدُوكْ النَّاسْ
ٱغييييييي ٱحيَّدْ ٱعْليكْ
ؤوزييييييدْ ٱعْليهْ
ؤو عَنْدْ الدْواقَة
ٱتْبانْ ٱحْلاوْةْ المَرْضي
ٱمنْ ٱحْرورْةْ ٱمَسٔخووووووطْ ٱوالِيديهْ.....
بقلم وصوت ٱخوكم الزجال المغربي
ميلمي ادريس بتاريخ 26 / 02 / 2020
