دي مش عين يامه....دي عين ورمش :
كان لازم يامه تدققى قوى وتسألينى
وتفتشى في وجعى ....... وكمان انينى
هوه انت لسه يامه .... .... هاتعرفينى
ياريت يامه .... في حالى .... تسيبينى
بتصممى وتسألى.... علشان إنت نفسك
تعرفى عن كل حاجه .... عني تهمك
وتقولي لى مالك يابنى..... ياضى عينى
طمنى عنك كلامك هايكون بينك وبينى
لاقيت هروبى من اسإلتك .... مستحيل
وإنت اللي مصممه....عارف نفسك طويل
وكل ماازهق اقولك .... يامه ارحمينى
من كتر أسألتك أتمنى....ياريت تريحينى
عارفك بتصممى .... وترجعى تقولى لى
مالك يابنى طمنى عنك....ياضى عينى
وانا اللي كان نفسى ومنايا .... اداريها
جوه قلبى كنت فعلا .... مصمم أخبيها
ترجعى تكررى ....: وبالدموع تتغرغرى
وتأكدى على... مالك يابنى ياضى عينى
ياسلام يامه لماتصممى إنك لازم تعرفى
عن اي حاجه تخصنى تفتشى وتدعبسى
لاقيتنى حقيقى عليك..مش قادر اخبى
وهادارى ازاى بس وانت حاسه بحيرتى
ولاقيتك بتقوليلى عين يا بني وصابتك
ٱه ياحبيبي ياابنى .... آه ياضى عينى
قولت لك يامه ياريتها..كانت عين وبس
انا يامه اصطادونى منها العين والرمش
ولاقيتك بتجاوبينى .... .... وتقولى لى
كنت حاسه بيك ياقلبى وانت مابتنامش
وبقيت اقول هوه ليه ياترى .. مابياكلش
كان كفايه عليك العين مش عين ورمش
عبدالرحمن احمد حسان
الشهير بالشاعر والأديب
{{{{ أبوحسان }}}}
دماص/ميت غمر/دقهلية/مصر 
[[ سبتمبر ٢٠٢١ ]]
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .