وجيتك أعرفك ... وأقولك ...أنا مسافر :
*******************************
بتسأليني ليه .... .... سايبني ومسافر؟!
وانا نفسي اكون دايما .... علي الخاطر
من اول اليوم ... وبطوله كله ... وللٱخر
يكفيني تعدي من جنبي .... واشم هواك
لكن ماباليد حيله ...غصب عني ياجميله
مغادر ضروري لازم ....خلاص انامسافر
مفيش راحه انا رايح ... هاشقي واعافر
ولو ماسافرتش قولي مهرك اجيبه منين
المطلوب شبكتك حلق وخاتمين واساور
واعمل ايه انا في خطابك رايحين جايين
ومااكترهم شايفهم .... واقفين علي بابك
اسأل وأقول دول مين وليه كده واقفين
يرد عليي إخواتك يقولولي ايوه خطابك
هاكون تعبان وانا.. في غربتي بعيد عنك
وربنا الاعلم بوجعي... وحرماني أنا منك
هاعيش ازاي أنا .. وازاي هاتعدي ايامي
ياصبر ايوب .... ساعدني وقويني ياربي
علي حرماني من اني .. اعدي علي بابك
لازم ضروري اسافر ..خلاص أنا هاسافر
منا لازم اوفي بكل طلباتهم .. وطلباتك
شجعيني مسافر .. وحامل هم خطابك
وقوليلي عايزه ايه مني .. قبل مااسافر
تشوفيني وتلمسي أنت .. ايديا بأيديك
خايف أضعف حقيقي وانا بسلم عليك
بس هادعي واقول
قويني وعيني ياربي
*****************************
عبدالرحمن احمد حسان
الشهير ب
{{{{ أبوحسان }}}}
دماص/ميت غمر/دقهلية
[[ ٢٧ سبتمبر ٢٠٢٠ ]]
★★★★★★★★
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .