قلبي شايلك جواب)))
قلبي طاير ف العلالي
قلبي سهران ف الليالي
قلبي طاير ف السحاب
قلبي شايل لك جواب
كنت شايفك كل حاجه
كنت حلم وسط غابه
كنت نور اخر السراب
كنت بأعزف ع الربابه
غنوه عنوانها السعاده
وانت عايش جوه حلم
بس ملفوف ب الضباب
كنت عايش ف الخيال
كنت عايش شئ محال
كنت طاير بيك ب حبك
كنت متدفي ب حضنك
كنت عايش جوه قلبك
كنت ساكن في عينيك
وانت مش داري بناري
او بشوق قلبي ياجاري
او بحيرتي و أنتظاري
وأما باسرح فيك وافكر
ألقي حبك شئ مقدر
كنت ب النسبه لي سكر
في الحقيقه كنت أكتر
كنت حلم وكنت سحر
كنت شمس وكنت ضل
كنت شجره طارحه فل
كنت اشوفك قلبي يفرح
من جمالك قلبي يطرح
كنت اطير وياك واسرح
وأنت كنت لقلبي تجرح
حتي من غير أي ذنب
كنت باغفر لك واسامحك
كنت في احلامي اصالحك
وانت فايتني في جرحك
كنت قلبي و كنت روحك
كنت بعشق فيك ملامحك
رقتك أو حنانك أو مشاعرك
كلمات الشاعر/السيد علي القن
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .