نداء..
يا دنيا ليه تفرقينا
وتبعدينا وتحرمينا
من نور قلوبنا وحياتنا
ومن أرواحنا وعنينا
يا دنيا ليه تلعبى بينا
ده من يومين احنا بدينا
يا دنيا
والحب طريقنا وخطاوينا
ومنيه قلوبنا وأمانينا
يا دنيا مالك بس ومالنا
ما تتركينا بقى فى حالنا
دالحب طريقنا وقمرنا
وهو فى الدنيا أمالنا
******
يا دنيا أيه ذنبى ال جنيته
غير إنى عرفته وحبيته
*******
يا دنيا كفاك معاى حراب
وكفانى فى البعد عذاب
دالحب فيك عمار
والعكس والله خراب
******
لو تبعدينا بلاد وبلاد
يبقى هو نور الفؤاد
*****
حبه بيجرى فى دمى يا ناس
بكل المشاعر والإحساس
ليه تلبسينا الحذن لباس
ليه يا دنيا
يا ريت ترجع من تانى
دهى حبى وخلانى
وهى دم فى شريانى
وهى عقلى ووجدانى
وهى عمرى وزمانى
*******
يا دنيا بعده ذاد همى
دحبه بيجرى فى دمى
*****
يا دنيا ما تحنى شويه
دالدم عمره ما كان.ميه
*****
يا دنيا ليه تلعبى بينا
ما كفاك الدمع فى عنينا
قبل الوصال فرقتينا
وبدم قلوبنا تبكينا
ليه يا دنيا
******
قالو الفراق فى الحب نار
قالو انه قدر من الاقدار
صنعو الصواريخ عابره الاقطار
وبيها وصلو للأقمار
لكن فى الحب الكل إحتار
إحتار يا دنيا
*****
الحب فى القلب ضنانى
مين ال يعرف أسراره
مين ال يحلل أفكاره
مين ال يقدر على ناره
مين إلا انسانه تداوم
على الحب وتوصل أوتاره
******
قالو الخبراء بيحللوه
قالو العلماء بيفسروه
قالو العشاق بيعلموه
*****
يا دنيا ليه تأسى عليه
وهو روحى وعنيه
ليه ليه يا دنيا
محمد عبد.الغنى
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .