الحلم الاخير
هاتي ايديك في حضن ايدي
رجعي النبض في وريدي
انتي اخر حلم ليا
انتي اخر يوم في عيدي
انتي احلامي اللي فاتت
اللي راحت بعيد وماتت
مافضلش منها الا ذكرى
ولحن حزين صوته خافت
صحي احلامي القديمة
دوقيني انتصاري
نسيني مر الهزيمة
ردي ليا اعتباري
يا اخر نجمة في مداري
خليك شمس لحياتي
نوري عتمة دياري
خليني اصالح زماني
وأقدم ليه اعتذاري
يا ترى يا حلمي الاخير
حارجع من تاني اعود
احضن الحلم تاني
وفي قلبي ازرع ورود
ونطير مع سرب الحمام
ونعدي كل الحدود
ونبدر شهد الغرام
ونكسر كل القيود
وننسج للحب قصة
للعالم بيها نجود
تعال يا حلمي الاخير
نعزف احلى الاغاني
تعال يا حلمي الاخير
رجعني للدنيا تاني
يحيى حسين
20 مارس 2019
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .