واسرقيني يفرحة مرة بقلم الاديبة الشاعرة / اميرة فكري

واسرقيني يفرحة مرة
من حياتي ومن سنيني

م ضباب الهم خرجيني
ع دنيا اجمل وحياة حرة

اصنعيلي جناح اطير
ازرعي جوايا خير

ابدوره يطرح سعادة
ابني جوايا م الحب قصور
يسكنه ال داق الوجع بزياده

حابب اكون مدينة امان
للي داق الخوف
وبئر حنان
للي كسراه الظروف

وعيون للي مبقاش يشوف
وقلب للي مبقاش يحس

عايز اكون يافرحة
فرحة للي عاش عمره حزين
حتي لو اكون فستان وطرحة
للي فاتها القطر م سنين

مهو لو فس إيدي افرح حد..
إزاي أبخل عليه..
دا إل فاهم الدنيا بجد..
لازم يفرد إيديه..
.
ويخلي حضنه يسيع ألآف..
دا.كفاية إحساسك..لما
تطمن حد خاف..
ولا تصلح قلب اتكسر..
بكلمة.بجملة بضحكة او إهتمام..
لما تخلي حد حزين يبتسم..
ولا تمدح طفل بسيط فيترسم.
.
كلها حاجات بسيطة..
إبدأ بس بيك..
وبالخير إل جواك.
هتعدي إل حواليك
.
#أميرة_فكرى