تعي أشوفك..خلص رمضان بقلم الشاعر / سليمان نزال

تعي أشوفك..خلص رمضان

تعي أشوفك خلص رمضان

و كمّلنا فصل الإيمانْ

و عيدنا على الزيتونْ

و هنينا أرض الفرسانْ

تعمدنا بدمع العيونْ

و صلينا بعشق الأوطانْ

و حطينا زهر الرمانْ..

بين النظرة ..و الأجفانْ

و تمنينا عين الزمانْ

تشوف الإنسان في الإنسانْ

و تدوّر على أيام

اتخبى فيها النسيانْ

و يمكن يغفر الرحمنْ..

لو حمل النسر البركانْ..

و هز بزندو الأركانْ..

لحتى يسقط "الكيان"

وهيك بيرجع العنوانْ..

مزنّر بشمس الأمانْ

و هيك برجع اللي كانْ

لكن من نار الشجعانْ

/

تعي أبوسك ! خلص رمضانْ

بين جبينك يا كنعانْ..

تعي أبوسك كل البلدانْ

من بغداد حتى عمّانْ

تع أبوسك خد الريحانْ

من سوريا .. للبنانْ

و من المغرب حتى وهرانْ

من المحروسة.. للسودانْ

و من تونس حتى أسوانْ

تعي أبوسك يا غزلانْ

تعي بوسك قدس الأديان

أبوابك ..طهر المكانْ

/

تعي أبوسك خلص رمضان..

صار للمسافة.. أحضانْ

ويمكن يغفر الرحمن

لو بوسة فوق الريانْ

سليمان نزال