خطاوى
======
ومين عارف مصيره فين
وفين الخطوه واخدانا
بنبكى ع إللى راح بالعين
وتايهه بينا دنيانا
نعافر عمرنا حايرين
نقول سكينه سارقانا
بنضحك م البكا مساكين
ونبكى ضحكه دبلانه
يزهر عمرنا فدادين
ويطرح آهه فتانه
ينادى القبر مش سامعين
ونسمع للى ينسانا
نقول بكره نرد الدين
تروح الروح لمولانا
======
بقلمى سامح توكل ابوالسبح
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .