فوق الصبر حَطو صبر..للشاعر /سليمان نزال

فوق الصبر حَطو صبر

لن تمر الصفقة..

فوق الصبر حطو صبرْ

فلسطينية و ليكو النصر.ْ.

محي الدين.. احنا راجعين

لكل بيت و لكل شبرْ

محي الدين ..احنا رافعين

راية عزة فوق البدرْ

عادي..شعب الجبارين

يحمل جمر..جوا الجمرْ

عادي جرح النازفين

يطلق بسمة رغم القهرْ

ما في غير الفاسدين

حبسوا الورد جو الصدرْ

محي الدين ..الله يعين..

نحمي القدس و أصل الجذرْ

بحكو عن ضم الأرض

مش رح يا عدو تمرْ

منقاتل بالطول و العرض..

ورد التحدي حُرْ

أعطينا للعزة قرض..

وعشق فلسطين هو فرضْ

مش رح يا عدو تمر

منقاتل حتى من القبر..

عايش فينا كل الفخرْ

و يبقى فينا كل الدهرْ

محي الدين ..احنا راجعين

و الأمل من قلب الصخرْ

شعبك للمجد عناوين..

بحطم قضبان الأسر ْ

سليمان نزال