(🌸🌸( اللى بينا م كانش كلام )))..... محمد البريمى ..🌸🌸

شعر غنائى ..

((( اللى بينا م كانش كلام )))

اللى بينا م كانش كلام و حديت .. و راح لحاله و خلص ..

دا كان  شوق و محبه ملو  العين .. و إحساس غريب صابه الخرس  ..

ياما إتقابلنا و إتواعدنا ع الإخلاص .. ونا كنت ديمآ شايلك فوق  الراس  ..

كتت بفكر فيك وناسى كلام  الناس .. ماهو  إنت صحبى وحبيبى و الونس  ..

       اللى بينا م كانش كلام 

اللى بينا م كانش وعود  ..  و أحلام و طارت ف الهوا

إسأل قلبى و قلبك .. يقولولك إيه  اللى جرى ..

ياما دوبنا الحب  سنين .. مهما بعدنا تانى راجعين ..

هنهرب ليه و نروح على فين .. و إحنا على عهد بالوفا ..

         اللى بينا م كانش كلام

اللى بينا م كانش نهايه  ..  كان بدايه لينا  ف  أول الطريق  ..

كنا بنعزل خيوط العمر  .. من غير م نفكر ف أى  شئ  .

عمرنا م فكرنا يوم نختلف .. كنا ديمآ بالحب بنعترف  .. 

ماشيين على طول   زى الألف  .. لا عتاب بينا ولا تعليق  .. 

        اللى بينا م كانش كلام 

بقلم الشاعر ..

محمد البريمى ..