قال المعنى للشاعر أمين الحنشلي

 قال المعنى _3 

قال المعنى وليتك كربتي  تعلم 

                      يامهجة الروح والآلام تدريها 

وليت قلبك حبيبي  بالضنى والهم 

                  يدري وكم غربتي طالت لياليها 

وفي غرامك وعشقك قلت لو تفهم 

                   بالأسى دمعتي والحزن يجريها 

وليت قلبك فؤادي بالنوى  يرحم

                  ولا ببعدك دموع العين  تحصيها 

وليت بالسعد وصلك فرحتي تمم 

                والنار في لوعتي  وصلك يطفيها 

في رياض الغواني يارشا يا احوم 

                     وبالحلا والتحافه أنت كاذيها 

فديت انا الثغر منك حين بتبسم 

                والصب من نظرتك يدرك معانيها 

ومن رحيقك وشهدك ليت لي بلسم 

                ومن لمى الثغر أنا نفسي اداويها 

أو في غرامك حبيبي مهجتي ترحم 

                       ومقلتي بالحلا ليتك تمنيها

وأنه تلطف فؤادك بالهوى تسلم 

                   والنفس يافاتني ساقت امانيها 

ربي يصونك ومن قلبي يزيح الغم 

                     وبالهوى كلما ضاقت  يجليها

وبعد طول النوى هومقصدي تفهم 

            كم مهجة الصب نار الشوق تصليها 

    وبالحلا ياالذي صب الهوى سمسم 

             يكفي صبابات  وجد الصب يكفيها 

  وإن كان قلبي بحبك قد حلف واقسم 

                  ولوعة الشوق لو صبك يداويها 

(والله اما أترك غرامك لو يسيل الدم 

                (  أو يعلم الكل قاصيها ودانيها )

والسهد مايدرك إلا عين تتألم 

                    ولا الصبابات إلا من يعانيها )

والشوق ما يدعيه إلا الذي مغرم 

              ( والنار ماتحرق إلا رجل واطيها)

وإن كان للعشق قلت يتعلم 

                من ذي بلا علم بالأحكام يفتيها 

وأنه فؤادك تبتل بالهوى أو هم  

              قال المعنى وفي ونفسي بساويها 

واشوفك  الطرف عندي بالغلا  وأعظم 

                       وبالجماله ترى قلبي يغليها  

وإن حان  بالود  وصلك أو وصالك تم 

                  قال المعنى ومن عيني مآقيها

بعطيك  أنا كل غالي وإن تقل من كم 

             ترخص لك الروح والدنيا بما  فيها 

#امينﺍﻟﺤﻨﺸﻠﻲ