وجيتك أودعك وأقولك خلاص أنا مسافر :
********************************
وبتسأليني ياغاليه ليه سايبني ومسافر؟!
وانا نفسي اكون بالقلب والعين والخاطر
من اول اليوم بطوله كله•••• •••• وللٱخر
يكفيني تعدي عليا اشوفك•• واشم هواك
لكن ماباليد حيله••••غصب عني ياجميله
مغادر ضروري لازم •••• خلاص انا هسافر
مفيش راحه انا رايح •••• هاشقي واعافر
ولو ماسافرتش قوليلى مهرك اجيبه منين
وانت اللى شبكتك حلق وخاتمين واساور
واعمل ايه انا وخطابك•••رايحين جايين
ومااكترهم شايفهم ••••واقفين علي بابك
اسأل وأقول دول مين؟ وليه كده واقفين
يرد إخواتك بالتأكيد•••ايوه كلهم ناويين
هاكون تعبان وانا في غربتي•••بعيد عنك
وربنا الاعلم بوجعي••• وحرماني أنا منك
هاعيش ازاي أنا •••• وازاي هاتمر ايامي
ياصبر ايوب •••• ساعدني وقويني ياربي
علي حرماني اشوفك•••• واقفه علي بابك
لازم ضروري اسافر ••••خلاص أنا هاسافر
منا لازم اوفي بكل طلباتهم •••• وطلباتك
شجعيني مسافر••وحامل هم كتر خطابك
وقوليلي عايزه ايه مني •••• قبل مااسافر
تشوفيني وتلمسي أنت •••• ايديا بأيديك
خايف أضعف حقيقي•••• وانا بسلم عليك
بس هادعي واقول ••قويني وعيني ياربي
*********************************
عبدالرحمن احمد حسان
الشهير بالشاعر والأديب
★أبوحسان ★
دماص/ميت غمر/دقهلية/مصر 🇪🇬
[[ أغسطس٢٠٢١ ]]
★★★★★★★★
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .