بلا أكفان
========
وليه ياشمس فاضحاني
مادام الضلمه ساتراني
بلا خيمه بلا قيمه
مفيش ميت يقوم تاني
أنا ميت بقى لي سنين
وعريان الجسد فاني
أنا ميت من التهميش
أنا مدهوس فى قضباني
أنا عايش غريب الدار
مابين النار ونكراني
أنا شهادة وفاه سابقه
وميت سابقه في أحضاني
أنا صرخة ألم خانقه
بتقتلني وانا الجاني
أنا صوتي نيران حارقة
بتحرق بس وجداني
ومش هازعل ومش فارقه
تصحوني أموت تاني
مانا الميت بدون أكفان
ومتكفن بأحزاني
=========
بقلمى سامح توكل أبوالسبح
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .