{ انا المصري}.....
انا الباحث فى معنى القوت
وبصرخ حتى لو مكبوت
بقول الاه باعلى الصوت
وحتى لو كلامي سكوت
بكون مقهور واقول مبسوط
وتعرف حالي من ردي
وانا المصري
انا المصرى انا الانسان
حياتي لقيتها في الاحزان
وصبري زرعته فى الوجدان
و حتى لما كتبت ديوان
عن الدموع عن الاشجان
وقلت والله ده قدري
وانا المصري
رسمت حياتي من بدري
بكلمه وحكمه من جدي
حافظها معايا طول عمري
تكون الباقي من حلمي
تروح الناس وتيجي الناس
وتفضل مصر يا ولدي
انا المصري
انا المصري وانا العربي
وبفخر ان انا شرقي
علومى في كل بيت غربي
تاريخي كتبته من بدري
ومهما كان كثير كربي
بقول افرجها يا ربي
وانا المصري
انا مصرى وانا الايمان
انا مسيحى انا الإسلام
صدى اجراسنا من اسوان
هنا فى بحرى كأنه ادأن
انا محمد انا يونان
انا الوحدة هنا فى دمى
وانا مصرى
انا مصرى ودا العنوان
لا انا سلفى ولا علمان
ولا وطنى ولا اخوان
انا الانجيل انا القرأن
انا التاريخ لكل زمان
والسلام دليل هدفى
وانا المصرى
كلمات
د.محمد السيد سالم
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .