بدأتِ الغرام
**********
فى وجودك شئ غريب
شئ ولا يخطر ببال
الأماني والأغاني
رعشة فى القلب بجمال
فى حياتى صرتِ عيد
كنتِ فى الأحلام محال
فى غيابك أنتِ باقية
عمري ما بنسى الآمال
أنتِ كنت كل حاجة
أنتِ صرتِ أحلى حاجة
أنتِ فى السكر زيادة
أحلى ما فيك الدلال
كنتِ شمسي فى الحياة
كنتِ زهرة فى الجناين
كنتِ وردة فى الخمايل
كنتِ أملي كنتِ عمري
كنت أكتب فيك شعري
والقصايد والتمايم
كنتِ أنت لي الحياة
أيوه كنتِ كل عمري
والهوى ما كان بأمري
والقلوب تعشق ما ندري
كنتِ حلمي فى الحياة
أنتِ فاكرة إني ناسي
كيف وأمتى دخلتِ قلبي
كيف بنظرة شغلتِ فكري
من صداقة ومن زمالة
صرتِ ساكنة جو قلبي
قلتِ إني كتبت شعري
فى عيونك وفى جمالك
قلتِ إني شغلت بالك
بالقصايد والأغاني
قلتِ إن ديك البراري
كان فصيح
كان بيكتب كان بيعشق
كان فى الآخر مريح
عشنا فترة أحلى فترة
تصحى وتنامي فى خيال
كل يوم تحكي بدلال
شعرك جميل غزلك جميل
كنتِ أنت عاشقة لي
وكنتِ بتخبي الغرام
كنت عارف إن حبك
إن عشقك من زمان
لكن المانع سخيف
أنتِ خايفة يقولوا حبت
ولا خايفة من الكلام
هو يعني عشان كبرتِ
ولا دي حجة وسلام
لكن أنا شايفك صبية
فى هواك القلب هام
أنتِ مالك باللي قالوا
ناس ما يعجبها العجب
سيبي قلبك للحياة
عوديه يعشق هواه
علميه إن السعادة
نعمة من عند الإله
علميه إن اللي يحبك
صعب ينساك لمداه
عارفة أنتِ صعب ليه
حبي ليك صار حياه
قلبي عشقك حتى تاه
متقوليش نزوة وراحت
أو عشنا فى الحب يومين
لا، هواكِ كان حقيقي
والنظرة من عينك غرام
والضحكة كانت طالعة صافية
والفكر كان سارح خياله
ليه أنتِ بتخبي الغرام
ليه أنتِ بتعاندي الهوى
عارفة لما بعدت عني
وكنتِ أنت هاربة مني
قلبي ما همه الفراق
ولا إنك يوم هجرت
ولا رحتي ولا جيتي
لكن الحزن الحقيقي
إنك أنتِ خنتي حبي
وأنتِ اللي بدأت الغرام
*******************
بقلمي/ حمدى عصام تغيان
مصر
24/6/2020
فى وجودك شئ غريب
شئ ولا يخطر ببال
الأماني والأغاني
رعشة فى القلب بجمال
فى حياتى صرتِ عيد
كنتِ فى الأحلام محال
فى غيابك أنتِ باقية
عمري ما بنسى الآمال
أنتِ كنت كل حاجة
أنتِ صرتِ أحلى حاجة
أنتِ فى السكر زيادة
أحلى ما فيك الدلال
كنتِ شمسي فى الحياة
كنتِ زهرة فى الجناين
كنتِ وردة فى الخمايل
كنتِ أملي كنتِ عمري
كنت أكتب فيك شعري
والقصايد والتمايم
كنتِ أنت لي الحياة
أيوه كنتِ كل عمري
والهوى ما كان بأمري
والقلوب تعشق ما ندري
كنتِ حلمي فى الحياة
أنتِ فاكرة إني ناسي
كيف وأمتى دخلتِ قلبي
كيف بنظرة شغلتِ فكري
من صداقة ومن زمالة
صرتِ ساكنة جو قلبي
قلتِ إني كتبت شعري
فى عيونك وفى جمالك
قلتِ إني شغلت بالك
بالقصايد والأغاني
قلتِ إن ديك البراري
كان فصيح
كان بيكتب كان بيعشق
كان فى الآخر مريح
عشنا فترة أحلى فترة
تصحى وتنامي فى خيال
كل يوم تحكي بدلال
شعرك جميل غزلك جميل
كنتِ أنت عاشقة لي
وكنتِ بتخبي الغرام
كنت عارف إن حبك
إن عشقك من زمان
لكن المانع سخيف
أنتِ خايفة يقولوا حبت
ولا خايفة من الكلام
هو يعني عشان كبرتِ
ولا دي حجة وسلام
لكن أنا شايفك صبية
فى هواك القلب هام
أنتِ مالك باللي قالوا
ناس ما يعجبها العجب
سيبي قلبك للحياة
عوديه يعشق هواه
علميه إن السعادة
نعمة من عند الإله
علميه إن اللي يحبك
صعب ينساك لمداه
عارفة أنتِ صعب ليه
حبي ليك صار حياه
قلبي عشقك حتى تاه
متقوليش نزوة وراحت
أو عشنا فى الحب يومين
لا، هواكِ كان حقيقي
والنظرة من عينك غرام
والضحكة كانت طالعة صافية
والفكر كان سارح خياله
ليه أنتِ بتخبي الغرام
ليه أنتِ بتعاندي الهوى
عارفة لما بعدت عني
وكنتِ أنت هاربة مني
قلبي ما همه الفراق
ولا إنك يوم هجرت
ولا رحتي ولا جيتي
لكن الحزن الحقيقي
إنك أنتِ خنتي حبي
وأنتِ اللي بدأت الغرام
*******************
بقلمي/ حمدى عصام تغيان
مصر
24/6/2020
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .