طول عمري والحكم ليك ياقلبي :
*************************
شكرا .... لحبايب قلبي الغاليين
اللي لينا دايما .... مش ناسيين
وعلينا بجمال عنيهم مصبحين
والقهوه .. والورد .. والياسمين
ايه دا كله ...ياناس ..أيه دا كله
ربنا ما يحرمني أبدا من قهوته
وكمان ورده ..وياسمينه ..وفله
بس ٱااه لو عليه عنيه .. يطلوا
لاقعد قصاااده اليوم .... بطوله
مهما كان ياناس..حره ولا ضله
اعمل ايه انا في.. حلاوة عنيه
وإن قالي هامشي .. أقوله ليه
جاني يقولي إنه.. معجب بأشعاري
ويقول قال أنه مبسوط .. بأفكاري
بس انا اول ما شفته .... قلبي دق
وانا عارف عن قلبي .... كل صدق
واللي يقول عليه عمري مااقوله لأ
مجربه كتير ودايما كان عنده حق
وعلشانه طول عمري بسمع كلامه
ودايمااحاول احقق له كل احلامه
كلمتني كلام في الحقيقه كله جد
اقول لقلبي ابعد عنها مالكش حق
يقول عمري ماقلت لك إلا كل صدق
بس أنا معاها فعلا مابقيتش عارف
اسمع لقلبي ولا اعتبرها من المعارف
وياتري ياقلبي إنت كده.. عندك حق
ولا من عطشك..ماقدرتش تقولها لأ
يوم ورا يوم لقيتني .. بقع.. واطب
والحكم طول عمري ... ماكان بإيدي
طول عمر الحكم .... .... كان للقلب
*****************************
★★ أبو حسان ★★
[[ ٢٧ يونيو ٢٠٢٠ ]]
★★★★★★★★
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .