حاولت احكم بين طرفين
سقوني الذل هما الاتنين
واحد يحلف ألف يمين
والتاني معاه شياطين
شفت بينهم غمز العين
واللي عامل فيها مسكين
وبيتكلم باسم الدين
قال أيه الاتنين مظلومين
وعيونهم بيقولوا كذابين
قلت ياواد خليك فطن
وسألت كل واحد سؤالين
وهما لبعض مش سامعين
قلت أشوف الحق لمين
بعدها جمعت بين الاتنين
سألتهم نفس السؤالين
وحاولت أقرأ كلام العيون
لاحظت الاتنين مكارين
ومفيش فيهم واحد أمين
فى طرف تالت له ظالمين
والحق معاه وهما الملاعين
قلت اما أوقع بين الاتنين
يمكن أفهم التالت مين
ومن الشجار مبقوش حرصين
والأسم ظهر باليقين
قلت أفوتهم وأكون أمين
والحق راح للمظلومين
اتضح انه راجل مسكين
اعطيته حقة وزرفت دموع العين
كانوا سارقينه الشياطين
والحق عاد بفضل رب العالمين
(((أسامه جديانه)))
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .