في ذكرى النكبة..عهد موثق بالنبضات لحتى يوم التحرير
يمكن غلطة بالتعبير
صرخة وقعت جوا البير
سكّر عيونو الضمير
ومين رح يسأل عن فقير..
حطوا للعتمة وزير..
و الحرباية عم بتطير
جوات العقل دبور.
و زني زني يا مقادير..
سرقوا الأرض بالتزوير..
و احتلو المسجد و الدير
و المتشرد دمو صار
موزع على بلاد كثير
بكيت النبعة أزهار..
حقل القمح صار أسيرْ
بقيت للوردة أقمار
تتحدى حكم الخنزيرْ
هاي مش غلط بالتعبير..
العودة عهد و مصيرْ
و النكبة بعد السبعين
مش حكاية للتذكيرْ
مين بنسى القدس الشريف..
وحزن الزيتون المغدور؟..
مين بنسى النهر و الدور
ورحلة البحر للخير؟
مين بنسى وقت الحصاد
و عرس المحبة بالنور..
و النكبة بعد السبعين
طلقة من نار الزفير
عهد موثق بالنبضات...
لحتى يوم التحريرْ
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .