كفيلي الغربة والوطن
...................انا اللي برسم على خدود
الفجر ملامح وش بينوّر
سواد الليل
انا اللي بكتب حروف اسمك
غناوي عشق والمواوويل
انا البسمه لوجه حزين
انا النسمه اللي بترطب
في حر الصيف
كما المناديل
ليه دلوقت ياسمره بتكويني
تذليني
بتعميني
تقابليني بوجه عليل
ولما أقولو انا مصري
بيتعطّف شراذمهم
ويلوّن سنين عمري
بلون الليل
ليه ترميني براكي وانا ابنك
وتخلي عبيد أرضه
يحسسني بإني ذليل
وانا عبدو بيملكني
وف الحقيقة انا سيدو
لكن همي يهد الحيل
أنا بعشق تراب أرضك
ولا نسيت انا حضنك
ريحتو عطر جوايا
بيسندني في وقت الميل
مصطفى الزيات.
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .