طيب تعالي نكتب !
طيب , تعي نتبع شي
بتجوّل جوا الأعماقْ..
و نور البوح كيف نخفيه
بنظرة عاشق مشتاقْ
لو بتهرب منو تلاقيه
بالنبضة بكتب أوراقْ
لهفة بحرفو و معانيه
طلعت ْ تحكي للآفاقْ
راحت للنجم تهديه..
برشة من بوس الترياقْ
ساعة يصحى..ساعة يتيه
و متمرد على الأطواقْ
/
طيب تعي تكتب شي
لفلسطين و للعراقْ
وتعرّش مع الياسمين
أصوات النهر الدفّاق
و نتذكر عمر المختار
و كل الضحو يا رفاقْ
نقرا جرح بقصة جرح
و الأمانة في الأعناقْ
دمعة مسكتْ ضمة قمح
و راحتْ تسأل في الأسواقْ
مين أخفى من دربي الرمح
و صار الفاسد و السراقْ
/
طيب تعي ننسى شي
مع إنو جوا الأحداقْ
و نوخذ الماضي نعطيه
روح الآتي و الإشراقْ
يا حبك بستانو صار
بثمر أكثر في العناقْ
شو ذاق البعد مسافات
لحتى ضجت الأذواقْ
سليمان نزال
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .