بتبكي ليه على ولادك
الصبر يااغلى بهية
راح ارقيكي من حسادك
دموعك غاليه عليه
انا واقف على بابك
مشتاق لحبة حنية
انا أمسك انا يومك
انا الزهرة الندية
انا صباك وشبابك
وانت شايفه الأمل فيا
انا الزرعة اللي فى ترابك
انا الضربة العفية
انا اللي هصون شبابك
واشيلك جوه فى عنيه
بكل شموخ انا هرمك
انا نيلك
انا اللي اتوه من غيرك
انا اللي اتربيت من خيرك
انا قمرك انا شمسك
انا النسيم انا عبيرك
وفى الشدة انا سندك
ووقت الخير اغنيلك
انا الجلاب لطيرك
مانا الزرعه
انا الحبه
انا اللي طله من أرضك
ياأم الكون يابهيه
دموعك غاليه عليه
يامصر ياأم الدنيا
دي مش كلمه
دا قالها حبيبك لما زارك
سيدنا نوح اللي قالها
وقال غذاء العالم فيك
وبارك فيك وعليك
ربي هيرفع الغمه
وتعود الضحكه لعيونك
(((أسامه جديانه)))
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .