( غيابك طال )
سنين بتفوت وراها سنين
وعمر يضيع في شوق وحنين
و يبكي القلب قبل العين
وقلبي من الفراق بيدوب
يا ليل ما بينتهيش في سلام
طويل وبيحسبوك ايام
وكله من عمرنا محسوب
غيابك طال و طال سهري
و غابت شمسي غاب قمري
و انا صابر على قدري
وقدري ع الجبين مكتوب
وحيد انا و وانت عني بعيد
عليك مشغول و فكري شريد
و حيرتي كل يوم بتزيد
وقلبي بين شروق وغروب
ما هو انت بجد اغلى حبيب
و صورتك عني مش بتغيب
و اسمك فوق لساني قريب
في بعدك عمري مش محسوب
حبيبي لإمتى اترجاك
و اعيش احلم سنين بلقاك
ما هو انت أخدت روحي معاك
و روحي من الفراق بتدوب
حبيبي ارجع تعال قوام
كفايه بعاد كفايه حرام
خلاص ما فاضلش غير ايام
يا دوب تكفي سلامنا يا دوب
تأليف متولي محمد متولي
دمياط
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .