كشف حساب جذء ثانى
افديها بعمرى وحياتى
افديها بروحى وعنيه
افديها لكن يا خساره
ساعه معايا وساعه عليه
اصل الدنيا دى غداره
الفرح فيها عمره شويه
******
سميه وعزه فى بيت واحد
ونجوى كمان قاعده ببتها
وشاغل نهله مذاكرتها
وهموم الدنيا ان قاسيتها
سقونى المر بكاس واحد
وعيونى الفرحه ما شافتها
******
شوف الصديق لما يقولك
ان المحبه دى خيانه
تكتم فى قلبك ولا تقوله
ان جذورها دبلانه
د رب العباد وصى المسلم
بيها يكمل ايمانه
*****
ليه بس توافق عليها
قبل ما تعرف معانيها
دمعناها بحر علوم
لو فى صحرا هيرويها
******
انا كنت غريق وفى بحر رمونى
اهل الطيبه جم لحقونى
اخذونى هناك على بر امان
وقبل ما نوصل دفنونى
****
قالو الغرقان ده حرام يعيش
ويا الناس فى بيت واحد
خلوه يموت موته ربه
ونسو ان رب الكون واحد
بايده ينقذ لى حياتى
وبايده ما يخلى جاحد
*****
كذبو عليه يوم وقالولى
ان عروسه البحر جميله
قلت ومالو اروح اشفها
صار الحذين ويا عليله
عمر الصداقه اصله قصير
ابدا ما طال غير كام ليله
ما حدش يفهم معناها
ويقولو عليها كلمه اصيله
تسمع كلام كله مجاملات
والحقيقه مره اليمه
*****
ادونى محبه ويا امان
وفى لحظه لقيته كانه ما كان
هو ده طبع الدنيا
فى كل مكان وفى اى زمان
اصل هما اولاد حوا
ما تشعر وياهم بامان
ساعه تكون جوه قلوبهن
وساعه يسقوك م الحرمان
بعد ما تشعر بحنانهم
فى لحظه يكون فى خبر كان
تحب وتخلص وياهم
راح تطلع انت الغلطان
يا قلب عيش بعيد وارتاح
ايه يفيدك غير النسيان
محمد عبد الغنى
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .