ياضاربين الودع
ياضاربين الودع شوفو الودع ايه
جسمي كله علل والوجع فيه
حبيبي عني رحل وسبنى أأسى ليه
مرار وحزن وشجن
ودموعي جوه العين سا خنه ومغليه
متردو يااهل الودع عندكم علاج ليا
قلولي ليه يافتي بتقول كده ليه
اتاري ضاربين الودع وجعهم زايد وحزنهم فايض
ومحتاجين كل اهل الودع يوصفو دوا ليهم وليا
ضحكت وكلي هزل وهانت كل احزاني عليا
مريت علي اهل الصبر لقيت صبرهم نافذ
يضربو الكف علي الكف وصبرهم نافذ
ضحكت ضحكة صفا وقلبي لهم ناكر
وقلت ليه يااهل الصبر صبركم نافذ
قلولي امشي عدل وعننا سافر
اترك بلاد الاسي ومنها هاجر
قلت حبيبي هنا قلولي خلاص سافر
حبيبك اصله قدر ومات مش راجع
وربك عنده العوض
بس ياعم خد باالسبب وللبعيد هاجر
هتلاقي حب وصفا
وتطيب جروحك هوي
والمرار سافر
عطايا ربك منح بتهدي للصالح
... على خليفه ابو كريمة
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .