حيرة الإنسان
**********
كلنا بنعيش وحوالينا حيطان
حد في يوم سأل نفسه
وتاه وداخ من كتر الدوران
------------------------------------
لما تكون محتار من حالك
إيه أول حاجة ح تيجي في بالك
ح تقول أنا عايش ومش عايش
أنا مجرد صوره في برواز
أكيد تعيس في حياتك حتي
لو كان أشطر إنسان رسمها لك
---------------------------------------
ح تحس إنك راكب مرجيحه
بتاخدك لفوق وتنزل وكنت
تتمني إنك تكون عندك جناحات
وتطير بس إزاي وانت مكسور
لما اتحاسبت علشان قولت كلمه صريحة
------------------------------------------
كنت أكدب كان ح ينضرب لك
تعظيم سلام ما هيا دي نهاية
كل اللي مبيعرفش يزيف الحقيقة
--------------------------------------------
ولما تبص حواليك تلاقي بشر
بيدوسوا ع رقبه ناس ويحاسبوهم
وهما أرواح بريئة
----------------------------------------------
وفين ح تلاقي الراحه وانت محبوس بين
أربع حيطان مش عارف تتنفس
وتكون ح تموت من الجوع وتعمل
نفسك شبعان
-------------------------------------------------
وفي الآخر إيه ح يكون مصيرك
خليك فاكر إنك مش في المدينة
الفاضلة ومش ملاك وبتصيب وبتخطئ
علشان إنسان
#سحر أحمد محمد
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .