.(مالَك يا طير مالَك)..بقلم الشاعر "محمد مبارك"

مَكتوب عَليك تتصالِح
والصوت ماهوش مَسموع
مِن وِسط عالَم تاه
مَحروم يعيش مِرتاح
طول النَهار سَواح
و الليل حياه تانية
مالَك يا طير مالَك
نَغَمَك ماهوش مَسموع
حالَك ماهوش حالَك
حُزنَك مالُهش رجوع
طاير بروح أموات
دَمعَك دَليل إثبات
إن الفَرَح مَوجوع
ساكِن دروب و ضلوع
مَمنوعة مِـ الضِحكات
و العَزف كله نايات
سابَك فى وِسط أهات
مَيّت أوى من الجوع
مش شَرط جوع القوت
هوَّ السَبَب فى الموت
جوع السكوت للصوت
الأصل فى الموضوع

"محمد مبارك"