(ماتسكوتيش)
اتكلمي وماتسكوتيش
انا اصل سامعك من سنين
قولي اللي عندك ماتخافيش
او داري دمعك
اصله باين ف العنين
وانا اللي حاسك
حتي بحواسك والحنين
انا اصلي زارعك سنبله
في قلب الغيطان
كاتب حروف اسمك
علي كل الحيطان
لو قالو إني لحظه بعتك
ماتصدقيش اطمني ولاتخافيش
واتاكدي اني مسامحك
ونبض قلبي من ملامحك
لو كنتي حتي ماتعرفيش
أنتي كلامي وحس صوتي
وإن كان منامي وألا موتي
بنبض قلبك قلبي يعيش
كل اللي عايزك تعرفيه
وتحسي بيه
إني بدونك مش هاعيش
اطمني وماتقلقيش
اتكلمي وما تسكوتيش
انا م السكوت منك باخاف
واليل يفوت وكانه شاف
إن النجوم ويا القمر
بدئين كسوف ويا انكساف
اوعاكي مره تصدقي كتر الكلام
انا أصل خايف تغرقي في بحور آلام
خايف علي عمري اللي باقي مايكفكيش
لو حتي كان الباقي لحظه ماتزعليش
لو يتنهي بيا المطاف ودعي ماتكمليش
عيشي حياتك و افرحي وماتحزانيش
خليني ذكري في الخيال وماتتحكيش
بس ياريتك تفهمي
او حتي مره تحلمي
وابقي انا حلمك لقصه ماتنتهيش
بس احكي عنه ماتسكوتيش
(عبده النجار)
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .