اسمعي ياللي حبيتك :
*****************
إن قالوا لك
انني
بضعف كتيرقوي
صدقيهم
او قالوا لك
انني م الخيانة بموت
كل يوم الف مره
اوعي تكدبيهم
وأوعي حتي تخونيهم
عارفه ليه تعالي وقربي
انا هاحكيهم وافهميم
الكلمتين اللي هاقولك عليهم
ياللي بقلبي وبحبي
للأسف ماحستيش
انا هاقولك
اوعي تفكري إنني
لسه دايب في هواك
هاترجاك او هاستناك
ترجعي علشان بحبك
واعيش قال ايه في ذلك
ولا كمان بعدك وصدك
بس لازم تعرفي
يمكن تصيبك
في يوم لحظة صفا
وترجعي علي بعدي تندمي
تعالي اما اقولك وافهمي
حبك فريضه وانكتبت عليا
رغم ألامي واوجاعي اللي بيا
إنت ليه ماحستيش
انني بحبك كنت ناوي
اقفل قلبي عليكي
وبيكي وليكي اعيش
ولا انت كنت بتتسلي
وكان حبي تسليه واكل عيش
هوه انت من زمان ماسلتيش
ياحرام علي إحساسي بحبك
واخلاصك اللي كنتي بتقولي
قال إيه كان من جوا قلبك
طب والوفا اللي كان لي منك
ماكنتش اعرف انني
للدرجه دي مااساويش
عارفه ليه
علشان سمعتك وصدقتك
انا مكسوف لك قوي
من كلامك اللي كان
جوايا للأسف له صدي
وكان بيزرع في قلبي حبك
وكنت عايش وراضي بيه
صدقتك وانخدعت أنا ليه
هوا انت ايه..
ايوه انت ايه ،،،،
***********************
{{{{ أبوحسان }}}}
[[ ١٢ فبراير ٢٠٢٠ []
★★★★★★★★
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .