الدنيا الكدابه ........
شوفت فى الدنيا العجب
وشوفت فيها أحزان كتير
ساعات الفرح فيها شوك حطب
وزعف الجريد فرشته لى سرير
..........
وشوفت الصغير والكبير
وشوفت المفتح والضرير
وشوفت إللى بياكلها بملح
وصاحب المال ينام عالحرير
.........
عمرى كله عشته سنين عجاف
ورضيت بالمقسوم والنصيب
وإتكتبت ذكرياتى بقلم جاف
وما ذكرتش فيها إسم حبيب
..........
ومنين ييجى الحبيب يادنيا
هو أنا شوفت فيكى أمان
يبقى حبيبي ويروح فى ثانيه
وأقعد أعيد ذكريات زمان
........
أنا بينى وبينك بحور ممدوده
لا ليها شطوط ولا فيها مراكب
وكل إللى بينا أيام معدوده
وإللى ماشى هيحصل إللى راكب
.........
فيكى إيه غير تعب القلب
والوشوش بقيت خداع
وفيكى النهب وفيكى السلب
والناس بقيت فى الضياع
.......
آآآآآه يادنيا وضحكتك كدابه
وخدتى فى الكدب جوايز
بقيتى تخافى من الديابه
ولا عمرك عطيتى إللى عايز
.........
أنا بس صعبان عليا شبابى
ضاع فيكى ولا أتهنيت
ولا حبيب خبط على بابى
ولو هتقولى أصبر ياما سنين أستنيت
.......
إنتى ليه بتعاندى معاى
ودايمآ معاكى أنا الجانى
أنا عمرى مابصيت وراى
ودايمآ أبص قدامى
.......
هما كلمتين وأسمعيهم
وحطيهم حلقه فى ودانك
مهما ظلمتينى انا مش منيهم
ولا عمرى هكون خدامك
..........
.............. شاعر الشعب أحمد خلف الحامدي...............
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .