يا فرحة طلي
يا فرحة طلي ويا حزن امشي
قلبي اشتكى كتير ما نامشي
طالت عليه ساعات السهر
ليالي طويلة من غير قمر
مستني وحده وقت السحر
فجر صبح يصبح عليه
يمسح دمع مالي عينيه
بس الصبح عمره... ما صبح
ولا شفنا طيره عمال يسبح
كل اللي شفته ليل وانتظار
سفينة تايهة من غير فنار
وقلب محبوس جوه في ضلوعي
يشكيلي حاله ويزيد دموعي
والله كتير صعب على
بس عمري ما صعبت عليه
ما هو قلبي واعمله ايه
يا فرحة طلي. تعالي هلي
خلاص تعبت. والله توبت
خلاص حرام. خلص الكلام
ونفسي انام
في حضن فرح واتغطى بيه
ياما كتير حلمت بيه
يا فرحة طلي ويا حزن امشي
خللي عينيا تحب.... رمشي
يحيى حسين 28 يناير 2018
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .