قصيدة
( من الشبه أربعين )
إنت مين
انت وانا واحد
والا انا وانت اتنين
ولو إنت أنا
أمال أنا فين
صورتك
هي صورتي في المرايا
إيه اللي جمعك معايا
واللي جابك ليا مين
صوتك
هو صوتي
اسمك
نفس اسمي
والعينين نفس العينين
إنت كلي
والا إنت نصي
كل شيء جواك
باصص لي
كل شيء حواليك
حزين
هو انا عندك رهينة
ولا انت جوايا سجين
شايفك في الصورة مطفي
انت ضدي
انت عكسي
أنفاسك جوه صدري
مخنوقين
مش حاسس نفسي فيك
ولا لاقي حاجه مني
كل نظرة من عينيك
فيها شيء قاتلني
والأماني جوه قلبك
مقتولين
وجودي فيك تاعبني
انت واحد تاني غيري
انت أكبر مني بسنين
انت يمكن
بس شبهي في الملامح
ويخلق من الشبه أربعين
كلمات :
أسامة أحمد رفعت
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .