نبض القلم.....بقلم الشاعر كارم والي

نبض القلم

لما جيت أكتب قصايد
علموني وزن الكلام

علموني معني القوافي
والسجع يكون تمام

والمحسن البديعي
والجناس ده إلزام

والعروض....والبحور
وقالولي خليك عوام

والتضاد في المعاني
والتنوع والإنسجام

علموني معني الهجر
والأسية والخصام

وليه الحبايب بتسهر
وعنيها مش بتنام

عرفوني إمتي أكتب
مش أي حاجة والسلام

وقالولي خليك مميز
ونقي مواضيع بإهتمام

خلي حرفك يأدي معني
وإستفيد من العلام

ومنشوراتك ليه حزينة
خليك بدر في الظلام

وبلًغ سلامنا لأهل الواحة
ليهم منا ..تعظيم سلام

وعجبي

كارم والي

نتعي إبراهيم