السلام عليكم ورحمة الله وبركاته
تعجب الزمان
أتعجب الزمن منا واحنا ولا شاغلنا
فاكرين العيب فيه والعيب أصله منا
كل واحد فينا ومنا للتاني بيتمنى
يتمنى ياخد مكانه ولا يحب أهله ولا خلانه
الدنيا بقت صعبه ولا حد قادر يتهنا
كيف نتهنا وحالنا ومالنا مش مش عاجبنا ولا مالي عيونا
الرضا والقناعه كنز ليوم الساعه
والعباده والطاعة بيهم في الاخره ننول الشفاعة
بس احنا فين من دا كله
عاملين من الظروف شماعه
فيه ايه لو التقينا وحبينا يا ناس بعضينا
نرجع زي الصحابه وبلاش يكون بينا ديابه
الجار يحب جاره ولا يطمع في ماله ولا ف داره
العيله من تاني تتلم والخير علينا يعم
الغني يحب الفقير والخير يبقى وفير
القوي والضعيف يتقاسموا مع بعض الرغيف
يمكن كلها احلام بس كانت موجوده زمان
عرفته ليه الزمان من حالنا اتعجب ولسه هيتعجب كمان وكمان
فارس البيداء
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .