عِيشْ بِحُبَكْ..بقلم الشاعر / أمجد محمد عبدالعزيز

عِيشْ بِحُبَكْ) كلمات /أمجد محمد عبدالعزيز 💐💐

عِيشْ بِحُبَكْ . .
لَو إسِى قَلْبِى عَلَيْك
مِدّ إيدَك . .
مُسْتَحِيل ارْفُض إيدِيك
مُسْتَحِيل مَتْهِزِنِيش . .
ضِحْكَه صَافِيَة مِنْ عِنِيك
دَاحْنا لِسَّة فِينَا حَاجَة . .
بِتْنَادِينِى و بِتْنادِيك
عِيشْ بِحُبَكْ . .
لَو إسِى قَلْبِى عَلَيْك
****
آه بَحِبَكْ . .
لَو تِحِسْ الْكِلْمَة
تِبْقَى مِش مِحْتَاج أَصَلْحَك
آه بَحِبَك ..
إفْتِكِرها..
تِنْسَى إمْتَى كُنْت جَرْحٓك
والتِمِسْلِى أَلْف عُذْر
لَحْظِة سُكُونِى بِيْن عنيك
وَإِنَّنَا مِش أَىّ حَدّ
لَاء كُل حَاجَةٍ ف الدُّنْيَا لِيك
ولسة فِينَا أَلْف حَاجَة ..
بِتْنَادِينِى و بِتْنَادِيكْ
عِيْش بِحُبَكْ
لَو إسِى قَلْبِى عَلَيْك
****
ضِحْكِتَكْ ..
صَادِقَة ..
بِتِلْمِس جِدَار الْقَلْبِ مِنْ جُوَّة
قَادِرَة ..
تِزَلْزِلْ عُرُوشِ الْحُزْن بِالْقُوَّة
ضِحْكِتَك طُول عُمْرَهَا
تِعْكِس سُكُونِى بِيْن عِنِيك
وَإِنَّنَا مِش أَىّ حَدّ
لَاء كُلِّ حَاجَة ف الدُّنْيَا لِيكْ
ولسة فِينَا أَلْف حَاجَة
بِتنَادِينِى و بِتْنَادِيِك
عِيْش بِحُبَك..
لَو إسِى قَلْبِى عَلَيْك
****
كلمات / أمجد محمد عبدالعزيز