((( ليه بتبكى يا قلبى )))محمد البريمى ..

البحر الوافى

شعر غنائى ..
((( ليه بتبكى يا قلبى )))
ليه بتبكى يا قلبى .. و الدموع غاليه عليك ..

فين الأحبه اللى يستاهلوا .. دمعه واحده من عنيك ..

بعد م إديتهم حياتك .. إستغنوا عن قيمتك و ذاتك ..

خانوا عهدك ونسيوا م فاتك .. و إشتروا و باعوا فيك ..

ليه بتبكى يا قلبى ..

حرام عليك لما يضيع .. من عمرك كام سنه ..

خدت إيه من حبايبك .. غير المر و الأسى ..

و تشيب قبل الآوان .. و العقل يختل ف الميزان ..

و البيت يخلى من السكان .. لا نسمه ولا هوى ..

ليه بتيكى يا قلبى ..

العمر ممدود لسه قدامك .. قوم و جرب مره و إتنين ..

إوعى تفكر ف اللى جرالك .. بكره يتمنوا يبوسوا الإيدين ..

فاضل إيه هتبكى عليه .. و اللى فاضل مين يراعيه ..

اللى راح م تسال فيه .. حتى لو كان من الغاليين ..

ليه بتبكى يا قلبى ..

بقلم الشاعر ..
محمد البريمى ..