غطي دمعك بالمنديل
غطي دمعك بالمنديل...
و هاتي أمسك همساتك
دمعك بضحك بالتقبيلْ
من ثمك لورداتك
يا نور الشوق يا قنديلْ
منو شايف غمزاتك
دمعك جرّح مواويل
خلص خبي دمعاتك
دمعك شفتو بالجليل
وصل لبنان و حياتك
خللي الزيتون و النخيل
يحضن فيكي أرزاتك
لبعث من نبضي رسول
و اقرا ببوسة آياتك
غطي دمعك بالتسبيل
تعالي أدخل نبضاتك
/
غطي دمعك بمنديلك
بنت بلادي..دخيلك
عشق الأرض دليلك
بكرا منطرد دخيلك
و منرفع عزة راياتك
/
غطي دمي ببسماتك
لأزرع جرحي بأرضاتك
و ليكبر مع ورداتك
من دجلة و لفراتك
و خلي قلبي قنديلك
و من "غزة" و "لخليلك"
يلي بنابلس مواويلك
بتسهر مع زيتوناتك
راجع راجع لأحكيلك
شو عملو فيي غمزاتك
سليمان نزال
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .