مين قلك عنك برحلْ؟
مين قلك عنك برحلْ؟
و أنا بسحرك بتجولْ
و حياتك مثل الأولْ
قلبي في نبضو جدولْ
دمي في نارو مشعلْ
حرفي في أرضو مشتلْ
مين قلك عنك برحلْ
يا عشق وقدس و كرملْ
...لو عطرك عني بيسألْ
..بخلّي وردو يتدللْ
..أنا شايف فيكي روضة
.. فل و نرجس و قرنفلْ
أنا شايف فيك ومضة
و بس بهمسك بتتأولْ
أنا صاعد فيكي نجمة
أنا صامد فيك مرجلْ
من لمسة عطرك بكتب
عن حبي و عشقي الأجملْ
من جرأة بدرك بنقل
أنوار للنصر الأكملْ
لو نزفت ْ فينا قصة...
بشفيها اللي استبسلْ
ترك جرحو يفتح درب
يدخل منو المستقبلْ
مين قلك قلبي بجهلْ
فك حروف السفرجلْ
وقفت ْ على القمة بوسة...
لو ما بدك ما بتنزلْ!
و حفظنا للشوق دروسه...
و الوطن فينا بيسأل ْ
مين قلك عنو منرحلْ...
أو فينا شي بيتبدلْ
لو حطونا في المريخ
عودتنا هي الموئلْ
مين قلك غيرك بقبلْ...
أنهار و بحر و منهلْ
لو كنتي بقلبي حِسي
كيف النبضة بتتزلزلْ..
و مين الأعلى بالعالي..
ضحكة وردو من مخملْ
و مين الواحة بأحوالي..
لما بجرحي بترجلْ
يا عنب اللهفة تحمّل...
و تعتّقْ فينا و انهلْ
انا راجع فيكي أرضي
مية و زيتون و منزلْ
ما عاد تقولي فسّر
خلّي الغامض يتكحلْ!
سليمان نزال
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .