القصيدة العامية .. ( موال لٱم العيال)
.الشاعر/سعيد حسان. ..مصر. البحيرة
يا حلوة يااخت القمر ..يام العيون فنجال
مفيش. حلق. ياللي ..ولا حتى فيه خلخال
بس الحلاوة. علاوة زى. الدهب. ...تتشال
والقلب. داب واشتكى ..ميل عليا ..وقال
ارجوك.تقول فالعيون والخد . ميت موال
انا قلت : والله الغرام ميكفهوش ..شعرى
بكفاية اشوف من يعيد..منغير كلام يتقال
دا الحب في القلب ... زى الورد ...ليزرع
وتفوت عليه السنين ....يحلو. ... ويرعرع
بس الغرام عندنا ..زى. الجذور ....واسرع
ضارب. .. فقلب. القلوب. ...بيمد ...ويفرع
ٱو زى. شيخ. فالركوع ...يدعى... ويضرع
يارب. خللى الحبيب.. فالقلب ...طواااالى
والرب .. رب القلوب. ..بيحن ....ويشرع
مين اللى قال الهوى ... زى الهوى . بيزوول
دا احنا الهوى عندنا ... زى الجبل. فالطوول
عمره ميوم ينهدم .....لو حتى جاتله سيول
ولا مرة زلزال حصل ....حول جبل.. لسهول
مبتعرفوش فالغرام ..وانا برضه مشمسئول
داللى يحب. بصحيح ..ميقولش انا فاضى
يفضل ولو فالمنام ..ويالحبيب ..مشغووول
يارب .. ياٱم العيال ....يارب ...خلليكى
قسمة ..ومن بختنا ..كل الحنان فيكى
وعلينا . بطبطبى ....وبترقى... باديكى
ابنك دا زى الملاك ...والسعد يهديكى
انا شوفت حبك. لنا .... بنتك توريكى
أن انت كلك هنه ....والكل طوع امرك
مشممكن ٱبخل فيوم لو عمرى حديكى
قصيدة عامية بعنوان/موال لام العيال
الشاعر /سعيد حسان ..مصر البحيرة
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .