تسلمي يا أم تامر بقلم الشاعر / سليمان نزال

تسلمي يا أم تامر

و إحنا اللي منفاخر

بشعبك الحر الثائر.

تسلمي يا أم تامر.

و نبض العزة بجاهر..

في شعب الجبارين

/

أنا و دمي منسافر..

صوب اللوز و البيادر

و سبحان الله القادر

يرجعك يا فلسطين

/

و أنا عندي أواصر

من ليبيا للجزائر..

قلبي راسم دوائر..

من العشق و الحنين

/

من اليمن حتى الأهرام

عم تكبر فينا الأحلام

الغربة طالت يا حمام..

يا جنحك حامل سنينْ

/

يا نهر الورد المشتاق

خذ أيامي للعراق..

يا دجلة طال الفراق

و صابر يا جرح الحزين

/

تسلمي كنعانية..

جرح القمر قضية..

و أنا حبي سوريا..

و النصر نسر بقاسيون

/

آه من دمعك يا أرزة..

بحضن الأسى معتزة..

وحقك صار بدو فزة

يا صنوبر و شربين

/

تسلمي يا أم تامر..

بعشق المغرب بجاهر

من مراكش لتطوان..

مديت جسر العاشقين..

/

تسلمي يا أم تامر

رح أكتب عنوان..

و بحرف الشوق يسافر

من تونس للسودان.

سليمان نزال