طيارة ورق..
-------------------
قصقِص و لزق ورق تا يكمل البنيان
بتصميم راقي و حضاري مهندسو فنان
اربطها بتأني و صلابة و شدّد العيدان
تقاوم الريح القوي بالجبل و الشطآن
و مش هم طيارة ورق لا يغرك العنوان
عيدانها ضلوعي أنا و خيوطها الشريان
و عملت إلها ذيل عالمسطرة بـيـبان
حاجب صبية بحلاها غارت النسوان
جهزتها و طيرتها بسرعة و ذكا منشان
إسبق رفاقي و عليهم إطلع الربحان
و أركض بسرعة تا تعلا و ما تعود تبان
مبسوط فيها لأني فزت عالصبيان
و مع كل هبة هوا يتلاعب الميزان
شو خفت توقع أنا و يتشمتو الجيران
راسم عليها بدمي كل شي بلدان
كل البلاد العرب و الأرز في لبنان
و راسم عليها سوى الإنجيل و القرآن
ما بتوقع و لو كان طيارة ورق
طالما متماسكة و بالله في إيمان
الشاعر… الدكتور ...علي عجمي
لبنان
مدونة تهتم بالنشر والتوثيق في اطار من الشفافية والمصداقية
الخميس، 28 يناير 2021
طيارة ورق .. بقلم الشاعر: د.علي عجمي
الاشتراك في:
تعليقات الرسالة (Atom)
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .