! شامم ريحة وداع***بقلم الشاعر سليمان نزال

! شامم ريحة وداع

أنا شامم ريحة وداعْ

على بعد ألفين ذراعْ..

يمكن موج البحر تغيرْ..

و يمكن الدفة و الشراعْ

يمكن حرف الشوق تأخّرْ..

عند الشاري و البياعْ

يمكن كلمة منها أزهرْ

ورد الغيبة و الضياعْ

يمكن فتنة راحت تسهرْ..

مع الكاذب و الطماعْ

أنا شامم ريحة وداعْ.

فاتت جوا في الأضلاعْ

يمكن قصة صارت تكبرْ

و عم تسقيها هالأوجاعْ...

وأنا قلبي مثل الصنوبرْ..

أخضر..بالعالي و القاعْ..

حامل فوق الأنهر أسطرْ

و الحكي سامع مطواعْ

و عشق بلادي طبعا أكثر..

وأنا بعشق وطني طمّاعْ.

و بترك للمعنى أماني

من الضفة و للقطاعْ

بسلك درب الجمرة دمي

من ناري وهج الصراعْ

يمكن حبك صاير أسمرْ

لكن حبي عيونو وساعْ !

أنا شايف ريحة عم تفطرْ

بعد ما يغيب الشعاعْ..

لو بتحبي بطعم الزعترْ..

لاقيني رغم الأوضاعْ

لو بتحبي صوني عهدكْ

لو ما بدك..كلو شاع ْ !

سليمان نزال