مني ليك سلامي ...!! بقلم خاليد جموحي
مني ليك سلامي
راه حملي ثقيل... لازم تعرف
لي شفتو فمنــــــامي
وأنا ناعس، نعرق وننـــــشف
وخا نتفكر الخايب فأحلامي
والباقي، مواج لبحر فيه تقذف
كولشي كتبتو ودونتو بأقلامي
والصراحة مالقيت مانحذف
مواقف... تخليني نوزن كلامي
ونسرد قصص واقعية ماكنت نخرف
التبرويل وكثرت همومي
وفالواقع، مالقيت فيه ما نحرف
هادشي علاش لحروف هما: سهامي
بالورقة... والقلم مكتف
ونقول: مني ليك سلامي
راه حملي ثقيل... لازم تعرف
عفاك !! مانكيفك حقك بإلهامي
بــــــــــمر، فراقـــك نتلف
تمنيت نطلق فسماك حمامي
والراية البيضة لي غلب يعف.
( زجل مغربي )
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .