.امي بقلم الشاعر .../ كارم والي

أمي

إنتي روحي إنتي دمي
كنتي دايما شايلة همي
كنت أبص في عيونك
وإنتي بتصلي وتسمي

لما شيلتي إبن إبنك
ولما خدتيه جوة حضنك
فاكرة لما كنت جمبك ؟
كنت سامع نبض قلبك

كل نبضة تقول بحبك

أيوة يامًة قسيت عليكي
لما خدتني الغربة منك

توهتني...عذبتني
حيرتني.الغربة يامًة

كنتي دايما في خيالي
جوة قلبي وفي كياني
ولما طيفك في منامي جالي
قلت حارجع ليكي تاني

ولما جيت قالولي إنك
مشيتي يامًة عند ربك
دموع العين عالخد سالت
نفسي يامًة آجي عندك

طول العمر حادعيلك
ياست الكل ياروحي
وحاكتب لك وأغنيلك
واعيش العمر بجروحي

مانتي حبيبتي يامايا
ياساكنة القلب جوايا
وأنا إبنك
حبيب عمرك
حابوس صورتك
وأجيب سيرتك
ياكل أملي ومنايا

وحشتيني ياضي العين
وحشتيني

إبنك / كارم والي