مالك ياعصفور.....بقلم الشاعر /كارم والي

مالك ياعصفور

مالك ياعصفور
جناحك ليه مكسور
وبتصرخ أنين ؟؟!

جسمك ليه نحيف
فصلك ليه خريف
وعيونك دبلانين ؟؟!

واقف ليه شريد
صوتك ليه بعيد
ومطاطي الجبين ؟؟!

نبضك مش مسموع
جناحك مش مرفوع
وحزنك ليه دفين ؟؟!

ماتسيبها لرب الكون
يمكن الأزمة تهون
ونرجع.... فرحانين

دا ربك رب كبير
وصاحب التدابير
وهو لوحده معين

إفرح ياعصفور
وإطلع بقي للنور
وإمسح دمع العين

إرسم بسمة جميلة
غني غنوة طويلة
ألحانها أمل ويقين

ياللا.......ياعصفور

وعجبي

كارم والي