البنت صابحه.....بقلم / شاعر الشعب أبو الحامدى..

قصيدة .. البنت صابحه..
صابحه كانت طالعه فى يوم
زى كل طلعت شمس
بعد ماخلصت شغل الدار
من طبيخ ومسح وكنس
وهى ماشيه وسط الغيط
لمحت شاب يبدو عبيط
قالت لما أقرب منه
يمكن ينفع فى شغل البيت
لقيته قاعد عمال يعيط
وبيقول لربه أنا إيه سويت
سالته بلهفه شوق وحنان
وقالتله إسمك يا والعنوان
بص لقاها صبيه جميله
والعيون عيون عزلان
قالها إسمى محفور فى جبينك
قالتله يعنى الأسم جمال
قولى سفرك رايح فين
وإنت جيت من أى مكان
قالها كنت فى دنيا غريبه
وماشى ومش عارفلى مكان
بس لما شفت جمالك
كنت جن وبقيت إنسان
قالته ليك فى شغل الدار
قالها روحى الله يسامحك
إنتى فكرانى خدام
ضحكت زى عادات ضحكتها
قال ألطف يا منان
ضحكه صافيه طالعه من القلب
خلت سنها اللولى بان
قالتله حكايتك مش فهماها
أنت إنس ولا جان
قالها قلبى إتعلق بيكى
أقسم بأيات الرحمن
لو توافقى تبقى حلالى
وأنا أكون بيكى هيمان
قالتله أطلع بينا على البيت
قابل أبوى وأطلب حسنه
وأمشى وراك لحد الباب
قالها إسمك أنا ما عرفته
قالتله صابحه بنت دياب
قالها يسلم صباح صابحه
إللى شفتها زى الورد
جمال الحاجب محدود حد
يارب قرب قلبى لقلبها
وأعمى العين إللى بتبصيلها
وأبقى لعرضها أنا حاميلها
وإللى يفكر يوم يناظرها
يبقى قام على نفسه الحد

.......... شاعر الشعب أبو الحامدى..........